2014年3月26日 星期三

東涌 - 聯邦皇宮

這次去飲下午茶,下午茶點心價錢較一般大形屋苑酒樓貴少少,又睇吓食物係唔係好一點。  photo FederalPalace-01.jpg  photo FederalPalace-02.jpg 
釀矮瓜是正常樣子正常味道,只是上面加了點木魚片送來時好像日式煎餅咁郁吓郁吓幾得意。  photo FederalPalace-03.jpg 
牛百葉味道算不過不失,面的一層牛百葉蒸得有點老有點韌,中間的就沒問題。  photo FederalPalace-04.jpg 
流沙包外表幾好樣,不過搣開真係唔見得人,包皮厚到......饀少到......真係得相中見到咁多饀,味道亦只是麻麻地。突然好懷念以前灣仔新星的流沙包,有好香的鹹蛋黃味且能見到有少少鹹蛋黃油,不小心吃真係醬爆噴汁的,不過兩三年前已有點走樣試過幾次都無咁好食,最明顯是無咁香鹹蛋黃味無咁流心無咁多饀,饀顏色由較橙黃變成吉士醬的黃色,唔知係咪換過師父,雖然仍比很多食店好食但特登去食就無謂了,好耐無幫襯過現在如何就唔知了。  photo FederalPalace-05.jpg  photo FederalPalace-06.jpg 
這裡的雞扎就唔錯,起碼是用淮山等的較舊式做法,雞幾滑沒上很多粉,成碟都幾好味。  photo FederalPalace-07.jpg 
整體不計算流沙包只算幾好不過不失,與大形的連銷酒樓差不多,係咁又為何要俾多少少在這裡食?或是地區因素選擇不多吧,附近的富東亦不見得好樣。

2014年3月25日 星期二

元朗 - 雷神

以經沒去加太賀不知多少年,佢以前個掌舵人在元朗開了這間店便又去試試。店內頗多咭片及手寫粉筆牌寫上價目及當日推介等東西,也懶得理佢寫什麼,揭揭餐牌點了個豬扒拉麵及極上活白鱔串燒。  photo RaiZin-01.jpg  photo RaiZin-02.jpg 
豬扒都唔錯,比很多這類店要好,只是炸得有點過火老了點,否則會好很多。旁邊的沙律就較行貨,沒有任何特色或好味的醬料確是遺憾,只得一個最基本的沙律醬,其實是旦加點東西入去沙律醬撈一撈都會更好,自已就加了一包日式介辣入去。至於拉麵,湯底選了醬油都幾好味,不過這裡的拉麵用熱鍋上且確是燒到很熱,湯熱到不得了滾咁濟,還記得之前說過這類湯麵最好要降溫嗎?這樣才可在吃麵時同時吸入更多的湯汁,這裡的卻是反道而行,熱到要吹凍才放得入口,這樣麵上只能留有很丁點的湯汁,可惜可惜,還有另一問題,鍋燒得實在好像仍在煮著麵條,食慢點麵會淋。麵中有半隻糖心蛋,做得時間剛好,有人唔明白為何這類糖心蛋表面都會上滷汁,其實廚房很多東西都很大味,若問你在飲用的水喉水加片檸檬有何作用或便會明白,當然亦好像矜貴點。  photo RaiZin-03.jpg  photo RaiZin-04.jpg  photo RaiZin-05.jpg 
白鱔串燒這個很好味,燒得時間剛剛好,香口得來仍有頗多肉汁,鱔肉仍帶點韌有咬口,即燒即是即燒不是那些整定的貨色可比,醬汁配合得頗好,只是有點貴及要些時間等,唔係叫多兩串。  photo RaiZin-06.jpg 
這裡似乎新人頗多,另外老闆及伙記亦可能不太覺得自己有時講野幾大聲,無錯大聲唔等於沒禮貌,只是聽上去卻有點怪。另外最後唔好下下點菜都好像俾全世界知道一樣會更好,話晒部份香港人會介意點得寒酸,或介意給人知道大食唔好意思叫咁多。

2014年3月24日 星期一

跑馬地 - 祥興咖啡室

跑馬地都有頗多高檔而又細間的食店,想飲下午茶但一時之間決定唔到去邊,經過祥興咖啡室門口見到都幾多人幫襯,咪又入去試試。一入到去睇睇餐牌,只有平日或午餐時段價錢是正常點,六日下午茶時段的東西真係估佢唔到咁貴,心諗或者好好食呢。  photo CheungHingCoffeeShop-01.jpg  photo CheungHingCoffeeShop-02.jpg 
點一個沙爹牛肉麵加一杯奶茶$42,若轉一丁還要加$7緊係唔轉,牛肉在茶餐廳的沙爹麵中算多,但唔算多好多,沙爹味亦唔同,唔多識講似什麼味,或者有點似超市一瓶瓶的沙爹醬那種味,但湯濃味得來又唔算好沙爹,反正好鹹,整體只算不過不失。  photo CheungHingCoffeeShop-03.jpg 
另外點了一個鮮茄濃湯招牌蛋牛米,加埋野飲$48又是勁貴,說實在咪即係罐頭蕃茄湯加些新鮮蕃茄進去,之後面頭的是鮮牛肉片奄列,見到餐廳中有些人說好好食,自己覺得返屋企開罐罐頭湯重好味,或者唔係自己杯茶吧。  photo CheungHingCoffeeShop-04.jpg 
至於奶茶就好好飲,不太特別卻正正是做得最好的那類,只是杯茶都好唔滿喎,相片中的茶未飲過的,另外那杯都係咁,當然好飲才會覺得它唔滿。  photo CheungHingCoffeeShop-05.jpg 
同場叫多個菠蘿包,$5個都幾大個,味道都可以,只是不知從何開始香港人食菠蘿包話要咬落去上面的菠蘿皮唔碎開掉落地至叫做好,咁咪即係多點粉少點甜香及酥脆,這裡的就是這樣,自己還是更愛舊式較甜香酥脆的,話知佢食到成枱都係。  photo CheungHingCoffeeShop-06.jpg

2014年3月21日 星期五

尖沙咀 - The Peninsula Boutique

在尖沙咀到處都是名店,亦不難在名店外見到一條條的長龍,咁你有沒有想過最長的人龍在那裡?好大機會就是在半島酒店內,下午 High Tea 時間見到由酒店大堂餐廳入口處一直排到大當中間的商場出口再一直出到商場外面再轉彎,相信都有不下二百人在等位,當中又有多少個不是內地遊客呢?

幫襯過半島入面幾間食店都沒失望,當中自己好喜歡The Verandah的半自助餐,主菜特別要食魚,不是扒做得不好而是外面做得好的多的是,西菜做魚做得非常好食的就較少而這裡一定是其中一間,湯亦十分好飲是落真忌廉做,不過現在已改了做全自助餐沒廚房出的主菜反而有點遺憾。Chesa的芝士火鍋都幾好不過覺得入面個經理太多野講都幾煩,而它的魚類就是自己覺得做得唔好的西菜。Imasa 的日本菜亦都幾好只是現在實在太太太多日本食店,要找一間更好的亦不太難。

講返今次主角 The Peninsula Boutique其實是位於商場樓下的餅店,但很奇怪在酒店內問了幾個不同的職員都無人知它在那裡,可能自由行不會外買西餅。這裡的西餅款式很少不過樣子都幾吸引,個包裝更殺食完完全全是高級貨應有的包裝,四件餅放在一個好像酒盒的盒子裡,打開後把下面金色的底盒拉開還可先把餅'熨"出,再用底下申出的小紙抽拓出西餅,咁就唔怕整污雙手並能保育儀態優雅,認真細心。  photo ThePeninsulaBoutique-01.jpg  photo ThePeninsulaBoutique-02.jpg  photo ThePeninsulaBoutique-03.jpg 
味道都相當好,不過芝士餅味道勁似旺角仕德褔酒店自助餐的芝士餅,之前都講過仕德褔的芝士餅很好食只是不外賣,好像是整個仕德褔的餅縮小了再在上面放藍梅及金薄,當然這裡的是進級版幼滑很多且乾身一點。朱古力餅就較普通,當然普通得來朱古力味很濃滑做得亦好,只是相對另外幾款唔夠特別。粟子餅就做得最好,底部是焗蛋白,頂那粒是甜粟子入面有幾層都很香口很幼滑,唯一就是底的餅乾與蛋糕接觸的地方有少少通風。  photo ThePeninsulaBoutique-04.jpg  photo ThePeninsulaBoutique-05.jpg  photo ThePeninsulaBoutique-06.jpg  photo ThePeninsulaBoutique-07.jpg

2014年3月20日 星期四

九龍城 - 嘉豐點心專門店

近幾年這間點心店好像做得幾掂,連旁邊的舖位都租了做粥店,不過粥品不是全日供應,其餘時間還是用來供食點心的人客坐。提供的點心和其它這類點心店沒多大分別,亦沒有什麼特別的點心。  photo KarfulDessertSpecialShop-01.jpg 
狂食時間到,相片時分幾次拍的。流沙包都幾流心,不過不是每次都咁好樣,有時做得不太流,第二張相只是有手搣開就係得咁多饀,水準有點不穩定,雖已幾好味不過若加多點鹹蛋黃更好。  photo KarfulDessertSpecialShop-02.jpg  photo KarfulDessertSpecialShop-03.jpg 
被喻為做包入門級數的叉燒包包底竟然穿了點,叉燒減點蠔味加點蜜味更好。鮮蝦腐皮卷太少蝦了。蒸飯味道一般般不過用的米幾好好有飯香。其餘點心都是合格水準但又不算很特別。  photo KarfulDessertSpecialShop-04.jpg  photo KarfulDessertSpecialShop-05.jpg  photo KarfulDessertSpecialShop-06.jpg  photo KarfulDessertSpecialShop-07.jpg  photo KarfulDessertSpecialShop-08.jpg  photo KarfulDessertSpecialShop-09.jpg  photo KarfulDessertSpecialShop-10.jpg 
整體水準都幾平均亦算好食,只是個別點心仍有少少"差咁D"的感覺略帶遺憾,如能改善一下定當更上一層樓。

2014年3月19日 星期三

荃灣 - 寶蓮素食

之前都講過這裡的午市任食自選餐頗便宜,本來想去再食,入到去先知偶著觀音誕暫停,唯有散叫。點了一碟齋滷味,味道仍舊麻麻地不夠濃味,特別是酸齋沒多少酸味。羅漢齋炒麵就可以,味道略不夠鮮但因是齋菜仍可接受,有幾多料麵亦有點脆,只是麵質略差了點。  photo PoLin-A01.jpg  photo PoLin-A02.jpg 
另一碟招牌炒麵亦幾多料,不過略厭太多蒟蒻太少竹笙,味道都可以只亦是略淡(不是不夠鹹的淡)。  photo PoLin-A03.jpg 
比對上次價錢算是加了不少更貼近其它齋舖的價錢,不過樣樣都加價都無計,幾個人埋單連茶錢加一一百四十幾仍算係咁上下,反正碟頭幾大除非幾大食否則一個人或食唔晒一碟飯,奈何味道只屬一般。

2014年3月18日 星期二

大角咀 - 楓樹圍大排檔

何解要去這裡食午飯,因為樓下有部嘟一嘟平兩蚊八達通機囉,而且午餐價錢真的不貴,街市上有兩檔大排檔都同樣廿八蚊個午餐,每天好似有四款可選而每日供應的都不同,選了既簡單但每檔做出來都不同味的星洲炒米。  photo FungShuWai-01.jpg 
這次是第二次來這裡食午飯但即還是第一次幫襯,何解?第一次差不多兩點鐘來到伙記話收市了。其實這次亦好不了多少,一點八左右來到坐底似乎已是最後一個人幫襯,所以碟米粉有可能是特別再開鍋炒,或與正常有出入。

第一眼看,好大碟喎,無他,附近有頗多車房五金舖一類店舖,幫襯的工人多他們的食量自然也多。再吃下去料也非常多,不知是否一時重手了料多到分開炒兩三碟都得,正。米粉是標準中式炒法所以不會"煙韌"還好沒有過淋,炒得幾好味道亦唔錯,唯一問題或是咖哩粉落得唔夠多,有點唔夠過癮,碟米粉唔太油食完碟底都無乜油。  photo FungShuWai-02.jpg 
餐茶就不過不失啦。這次的午餐以價錢計真的大件夾底食,正。下次試埋另外那檔。  photo FungShuWai-03.jpg

2014年3月17日 星期一

大埔 - 余曉記上海包

這家外賣店的生煎牛肉包做得相當好,牛肉入面混了頗多洋蔥很香口好味,包皮鬆軟煎得亦好,只是買的時候包不是剛煎好皮稍淋了很一點點,若能在剛煎好時買相信會更好食。  photo YuHiuKee-01.jpg  photo YuHiuKee-02.jpg 
包皮屬於較厚的一類,不過吸收了饀料汁(本身肉汁較鹹)之後好好味所以不會覺得不好食。  photo YuHiuKee-03.jpg

2014年3月14日 星期五

美心 - 芒果蛋糕

好耐好耐都無買過美心蛋糕,因之前買過幾次都是有勁多忌廉而蛋糕很少的問題,要刮走外面最少1吋的忌廉才食得落口。

口痕痕又買個芒果蛋糕來食,估唔到之前的問題都改正了,重幾好食。忌廉已少了很多且與蛋糕比例回復正常水平,中間一層改用芒果Mosses亦好味配合很好,底讚。  photo MaximsCakes-01.jpg  photo MaximsCakes-02.jpg

2014年3月13日 星期四

灣仔 - 巴蜀軒豬扒酸辣米線

這間店舖早兩、三年間中都會去幫襯下,貪佢的豬扒好食,湯底辣得來味亦唔錯,明顯比一些連鎖酸辣米線店做得好。既然去開灣仔,便再去光顧。

先來的豬扒粉由於叫的是不辣的,所以其實較似肉碎湯,肉碎是用醬油醃過那種,由於不辣所以略為失去這店的特色,還是點個少辣的更好,而豬扒就保持水準幾好味。  photo BarchuaHouse-01.jpg 
再來的炸雞粉炸雞就真的走晒樣,蝶雞又乾又薄又少肉和以前食的差很遠很遠,是"乾爭爭"頗差那種,一點也不好食,為何搞成咁,好在碗粉仍保持水準,亦仍然地太多油。  photo BarchuaHouse-02.jpg  photo BarchuaHouse-03.jpg