2017年1月12日 星期四

旺角 - 牛一

去完屯門,又睇吓旺角分店如何。午市人氣明顯比較弱只得很少食客,但晚市就相當多人,這裡服務亦明顯比較差,但咁講又好係唔係好公道,因為當日香港的侍應才比較晦氣,另一新移呢民侍應態度很好,真估唔到。還有唔知點解似乎經常漏單,幾次向唔同侍應加牛肉每次(係每一次)等了十幾分鐘後都話漏單,食吓停吓非常唔過癮。  photo Nabe One-A01.jpg 
牛肉同配菜質素同屯門分店差唔多,又係平價牛肉較一般同類火鍋店好但配料就差一級,配料無屯門分店咁多。見隔離枱點澳洲和牛,咁無理由拿架相機去影相所以無相架,只是澳洲和牛水準就明顯較一般未必及得上其它同類店舖。  photo Nabe One-A02.jpg  photo Nabe One-A03.jpg  photo Nabe One-A04.jpg  photo Nabe One-A05.jpg

屯門 - 牛一

一間市中心相當有人氣的日式火鍋店,價錢相對比其它類似的牛肉火鍋店是平點,當日只幫襯最基本最平的牛肉,不過佢的牛肉質素又真係比其它類似火鍋店好,所以亦難怪有咁多人幫襯。  photo Nabe One-01.jpg 
之不過湯底及其餘配料就真係再次一級,唔算得好但種類相對地多很多,菜疏種類亦經常轉但亦係次一級的質數,部份較老及重泥味。  photo Nabe One-02.jpg  photo Nabe One-03.jpg  photo Nabe One-04.jpg 
軟雪糕都唔錯幾好食不過幾甜,怕肥唔好食咁多。  photo Nabe One-05.jpg 
鐘意食牛肉的去這裡多食幾碟牛肉會覺得唔錯,否則唔必是最佳選擇。這裡的侍應相信很多都是新移民,但唔好以為服務會好差,其實佢地都好勤力為你服務的,只是員工少非常忙碌同習慣上有時做得比較似家庭式經營咁無咁客氣。 有時做得比較似家庭式經營咁無咁客氣。

耀安 - 韓台站

一間開了不是太久的食肆,提供韓式或台式食物,見價錢一般般便又試吓。入到去都唔知食乜好,周圍望望睇吓D人食乜,見到食物賣相同碟頭大細都幾飄忽,有好有唔好,價錢上落亦比較大。最後平平地點了韓式芝士炸雞加個白飯,算是比較平的食物。  photo KoTai-01.jpg 
雖然炸雞塊是用薄鐵鍋上但其實只是當碟用並沒有燒熱,雞塊幾大塊的,以價錢論是相當多,粉唔算厚,雞炸得乾身得來仍幾有肉汁,好食。咪住,芝士呢?咪上面那些白白的汁,真的太浠了,無乜芝士味而且唔好食,唔落好過落,正正經經灑些芝士碎,或平點灑芝士粉效果相信更好。  photo KoTai-02.jpg 
白飯都好大碗,用的是較一般的珍珠米,都OK架。  photo KoTai-03.jpg

西貢 - Okapi

想起來這間舖在西貢都已開了一段日子但原來自己未幫襯過,雖然自己覺得西貢無幾多間食肆味道係對得起佢個定價,但見開咗咁耐都仍有一定食客本身都有期望。

當日只是幫襯午餐。餐湯簡單得來只能夠講無乜味唔好飲,等同少少南瓜煮淋打碎再加個麵粉茨。麵包一樣無乜特別,唔難食嘅,只是未必好得過茶餐廳的餐包。  photo Okapi-01.jpg  photo Okapi-02.jpg 
西冷扒切得唔算太薄,煎嘅時間掌握得唔錯,只是唔夠焦香且又係無乜味,牛扒要表面有一定焦糖化後才好味但當然而家個價位唔可以要求太高,個汁亦太淡口,如果塊扒好靚或者個汁咁淡口無防,只是而家唔係囉。拌菜基本上同白烚無太大分別,加一丁點牛油或鹽唔係好點嗎?薯蓉當然亦沒有加忌廉或奶。以價錢論味道算是唔合格。  photo Okapi-03.jpg  photo Okapi-04.jpg 
天使麵更慘情,又係太淡無乜味得來得少少菇味,雜菇入面加了鮮冬菇當然亦係唔鐘意原因之一,講過好多次唔鐘意西菜入面加冬菇,唔係因為唔鐘意食冬菇而係冬菇味太"搶"太"出",大部份西廚都係掌握唔到成碟野變到剩返冬菇味。這碟麵真係覺得幾難食。  photo Okapi-05.jpg 
餐茶是茶包茶,咖啡本身可能未必係咁差但味太淡。  photo Okapi-06.jpg  photo Okapi-07.jpg 
當然這埋又唔係一無是處,起碼賣相相當唔錯,牛扒無血水亦無乜雪味,所有野清淡得來其實少油比較健康。講起健康又講吓很多人都以為少鹽就等於淡了無咁鹹無咁好食但其實是錯,少鹽食落一樣可以覺得差唔多鹹,要知道食物放入口咬了幾吓味道差唔多已決定了,能接觸到你味覺或嗅覺的食物只佔放入口食物的一少部份,其它可能未咬碎或未接觸到味覺便已給吞落肚。所以有人煎扒會在表面灑幾粒粗海鹽,食時由於有鹽份第一時間直接接觸舌頭,之後舌上又有殘留的鹽份所以就算肉入面無鹽都唔會覺得淡,但當然還由於有其它味道同時刺激。另一類似情況就是近年的泡沬醬汁,明明只有很一丁點醬汁但由於氣味氣化後被氣泡包住,入口後氣泡才爆開氣味馬上湧進鼻腔才嘗到濃濃味道,但有些人唔明白係又泡沬唔係又泡沬,有些香味打泡作用不大或效果不好,有些泡沬放入口後又唔馬上爆開失了最大作用。

2017年1月6日 星期五

馬鞍山 Cha & Cha

這次只是去幫襯下午茶,睇餐牌選擇都幾多但價錢有點貴。最估唔到吉列豬扒沙律碟頭會細成咁,豬扒都唔叫大件,沙律重要係放起個裝醬汁嘅細兜入面可想而知有幾少。味道方面沙律是熱帶什果罐頭做,而豬扒雖然塊肉唔太厚但粉都唔算厚,算幾好食。  photo Cha Cha-01.jpg 
另一碟豬扒飯就一舨茶餐廳水準,反而幾大碟。  photo Cha Cha-02.jpg 
茶無乜特別,較一般貨式。  photo Cha Cha-03.jpg  photo Cha Cha-04.jpg 
整體味道都可以,但眼見下午茶碟頭普偏相當細,價錢明顯稍稍偏貴唔太值。

2017年1月5日 星期四

荃灣 - 三昌肥牛

要打邊爐緊係最好要有肥牛至完滿,這次睇睇非常出名的三昌。除非天氣唔係咁凍無乜人打邊爐,否則一早好去,唔係排隊要排個半鐘以上係預咗,但牛肉係唔係咁好食呢?無錯,牛肩脊肥牛肉真係好好食,食落無乜渣同肉味好濃,係好好食,不過要早點去否則可能會賣晒。  photo Sam Cheung-01.jpg  photo Sam Cheung-02.jpg 
次一級的牛脊肉價錢其實只差很少很少,但食落真係差D,雖然都好食但會有些少肉渣。  photo Sam Cheung-03.jpg 
不過神話歸神話,留意佢自己無話過那些係本地手切肥牛,如果你以為係手切本地屠宰牛隻咁係你自己問題,因為咁好生意點可能全部手切,無錯係有手切,只是切都切到手軟,特別是近晚間係明顯見到佢地個個切到手都軟,所以其實絶絶大部份的肥牛都係機切而唔係手切,在旁邊的店舖用切肉機切完才搬回店中和手切肉混在一起包裝。另外一個幻滅的神話係這些肥牛是美國急凍牛肉而唔係本地屠宰牛隻的肉。所以排餐死其實可能只係買咗一般牛肉檔或凍肉舖都可以賣的機切美國牛,但當然佢賣的都係頂級的肥牛,只是要排餐死。  photo Sam Cheung-04.jpg  photo Sam Cheung-05.jpg 
再去另一間同樣出名的九龍城新興文記睇吓,Oh No,雖然佢地無咁明目張膽擺晒D盒出來,但見到佢地切緊那些脊肉完完全全一樣樣,咁唔知貨源又係邊呢?你自己估好了。