大角咀 - 楓樹圍大排檔

何解要去這裡食午飯，因為樓下有部嘟一嘟平兩蚊八達通機囉，而且午餐價錢真的不貴，街市上有兩檔大排檔都同樣廿八蚊個午餐，每天好似有四款可選而每日供應的都不同，選了既簡單但每檔做出來都不同味的星洲炒米。  
這次是第二次來這裡食午飯但即還是第一次幫襯，何解?第一次差不多兩點鐘來到伙記話收市了。其實這次亦好不了多少，一點八左右來到坐底似乎已是最後一個人幫襯，所以碟米粉有可能是特別再開鍋炒，或與正常有出入。

第一眼看，好大碟喎，無他，附近有頗多車房五金舖一類店舖，幫襯的工人多他們的食量自然也多。再吃下去料也非常多，不知是否一時重手了料多到分開炒兩三碟都得，正。米粉是標準中式炒法所以不會"煙韌"還好沒有過淋，炒得幾好味道亦唔錯，唯一問題或是咖哩粉落得唔夠多，有點唔夠過癮，碟米粉唔太油食完碟底都無乜油。  
餐茶就不過不失啦。這次的午餐以價錢計真的大件夾底食，正。下次試埋另外那檔。