人參雞糭

臨近端午有無諗過搞搞新意思，自己整返隻人參雞糉。用了兩飯碗糯米、兩枝韓國人參(不要用一般超市買到的因無論幾大支都無乜參味，要去尖沙咀韓國人開的小店買)、一些龍眼肉及蒜。

蒜頭去皮，所有野洗淨，人參中間粗的莖位十字破開，雞肚放入一枝及小部份蒜及龍眼肉，再填開糯米。剩下的糯米撈入剩下的龍眼肉及蒜。用一洗淨之煲湯袋底放糯米，放雞及另一破開人參，再填滿糯米，綁好袋口後煮一個鐘再焗一個鐘，之後再煮返滾後食得。  
煮糉的湯可以飲所以糯米及煲湯袋無上油，拿走煲湯袋時糯米比較黏袋結果樣子唔多靚比較遺憾，另湯可加少少鹽調味。

阿信屋 - 膠袋

似乎始終要向現實底頭，阿信屋終於要為冷凍食品提供免費膠袋。話需如此，若無需要仍然建議大家盡量不要使用，多謝各位。

華潤 - 金潤泰國米

話口未完，今日又見到華潤以$22.9在賣金潤5公斤裝泰國米。唔好問我好唔好食，因為很少在家煮飯所以無買。

超市減價戰?

自從日圓係咁跌，阿信屋經常做折扣，一開始見百佳很小一部份日本零食每當阿信屋減價佢都做七折，本來以為會有好戲睇，點知隨著一個個星期過去，只見力度越來越細什至可以用'不用理會'來描述。跟著華潤出招力度反而較狠，將戰線推向更多家居用品，日日都有買三件就七折，貨品睇落都有接近過百種，更狠的是間中重有些超平貨品，例如曾見過兩星期前買一包兩個洋蔥賣$1.5，上星期六就$22個幾有5公斤泰國米話係試食價(當然兩野俾人買晒)，不知有多少年未見過這個價錢。  
今日(星期五)見惠康有新招，部份日本零食買一送一等同半價，不過由於兩間大超市都唔會俾貨架空置，係唔係都會放些其它野上去(其實咁算唔算誤導消費者?)，所以買時要睇得超級清楚(特別是這次減價)，會唔會價錢牌與架上貨品不同或口味不對，皆因很多買一送一貨品是限定指定味道，拿錯另一款口味就變正價。

759 麵包工房

朝早行過阿信屋超市見有佢自家出的麵包賣，是早一日賣唔晒而標示為即日到期，到期的全部半價，見麵包重好新鮮便又買來試試。選了一包4條的提子棒半價後$4.7。  
麵包暫時的均質處理明顯未做得好，貨架上同一種包無論大小顏色或形狀都可以有大出入，例如所選的一包提子包是焗得較燶貪較香口，但也有很多包是未焗夠色色澤是較淺的淺啡色，大小及形狀基本上也是每個不一樣，入面的提子含量亦有很大偏差，其中一個麵包有很多提子乾，另外三個只外圍有些提子而中間近乎無。味道方面都正常，是發酵時間較長較鬆身較討好但食唔飽那種，麵包有筋性，無乜發酵味及唔太香麵粉麥味，所用麵粉或材料算一般不過在香港的麵包店已是唔錯，唔算好鹹，口味較基本，整體合格至唔錯。特價後當然底食，完全唔覺得唔新鮮，以正價計都可以，當然均質處理要做好唔駛等人續包選，另外阿信屋唔俾免費膠袋又是另一死症，成袋麵包放入背囊或與其它野一齊放壓到返屋企隨時扁晒唔食得，方包類情況更難想像，否則記住自備膠袋。