荃灣 - 寶蓮素食

之前都講過這裡的午市任食自選餐頗便宜，本來想去再食，入到去先知偶著觀音誕暫停，唯有散叫。點了一碟齋滷味，味道仍舊麻麻地不夠濃味，特別是酸齋沒多少酸味。羅漢齋炒麵就可以，味道略不夠鮮但因是齋菜仍可接受，有幾多料麵亦有點脆，只是麵質略差了點。  
另一碟招牌炒麵亦幾多料，不過略厭太多蒟蒻太少竹笙，味道都可以只亦是略淡(不是不夠鹹的淡)。  
比對上次價錢算是加了不少更貼近其它齋舖的價錢，不過樣樣都加價都無計，幾個人埋單連茶錢加一一百四十幾仍算係咁上下，反正碟頭幾大，除非幾大食否則一個人或食唔晒一碟飯，奈何味道只屬一般。