和民 - 二人套餐

本來想襯往滙豐個二人餐優惠最後一天食多一次，點知佢突然無根據之前宣傳單張所講早一日完了，改了做另一個無咁多優惠的套餐，由於無貼出過任何的修改通知，明顯有誤導消費者之嫌疑。  
其實這兩款由24日開始供應的套餐和之前的差不多，主要就是比用滙豐咭找數貴了二十蚊，而鍋物少了附送的雞蛋，一壺湯及烏冬、飯、拉麵或飯團，這個附送的組合好像要廿幾蚊，即係個餐貴了四十幾蚊，另外多了些要加錢的選項。真唔明為何要咁急冒著有機會誤導消費者指控的風險都要馬上推這個套餐。  
講返個套餐本身都係底食的，二人餐基本上三個人也夠食。最後一提，個博多嫩雞鍋唔多好食，湯底都可以的，只是雞肶肉仍有雪味又無用粉'拿拿'所以唔多滑，而那個好似係雞滑(棒內的肉醬)的東西又唔滑又散修修都幾難食。