太子 - 阿媽靚湯

這次食的是下午茶餐，雞脾加紅豆冰加迷你西多。  
雞脾比想像中要細隻，味道不過不失啦，入面都有點鹹味不會太淡，可能細隻易入味掛。  
西多士是半份，麵包切得夠厚蛋亦上得足炸得香口，中間有塗花生醬牛油又俾得多，幾好幾好。  
最後選的阿華田紅豆冰，即將煮好紅豆粒放入凍阿華田內，本來都幾buy佢個創意，唯真的很難飲，原因是杯阿華田開得太淡，起碼落多了一倍水，就好似你飲剩半杯野但又好口渴、想飲多杯又唔想俾錢，於是將一杯水倒入去攪均再飲的感覺，就算唔加紅豆本身都唔好飲，只是溝了紅豆味更怪更似洗杯水。