尖東 - 日航酒店雅樂吧

這次去了食它的香芒盛宴下午茶自助餐，由於有信用咭優惠，每個人都係約二百蚊，由於都幾多好野食所以都算幾底。今次用芒果來做主提，很多東西都加入了芒果，只是芒果有一樣很難克服的決點，就是加熱或煮後不好吃，所以一般都只是過一過火盡量不將芒果長時間加熱，但自助餐的進食時間這麼長又如何能不將芒果長時間加熱呢，所以部份熱葷加了芒果後其實效果不太好，廚師已盡量控制亦算是做得唔錯。  
這裡食的東西款式頗多，亦有部份算是貴價點的東西，不會只提供平價野來填飽客人的肚，保持一般酒店自助餐應有水準。磨菇湯菇味很濃好飲，沙嘜醬汁很好味，有其它店舖沙嘜串燒的水準，甜品在自助餐裡面來講亦算做得好，部份有點似酒店的餅店水準，不太甜，只是奶味或忌廉味略不太夠，當然現時絕大部份甜品都是用芒果來做。  
比較特別是無雪糕食但有沙冰飲，芒果沙冰似用糖漿開而蘋果沙冰似用蘋果打的，有很香濃好味的真蘋果味，唯沙冰竟然無飲管提供，沙冰機旁邊亦無放匙仔，這類沙冰剛斟出來時及轉個杯都唔會倒出來咁點飲，一定要溶溶地才可飲到，另外亦無杯箋提供，放在枱上幾分鐘一枱都是倒汗水，飲時倒汗水又很易會滴在褲子上，是有點不夠細心了。  
食物補得好快不用搶食，用信用咭後價錢有這個水準，值得推介。