北角 - 利強記北角雞蛋仔

其實這是幾個月之前幫襯的，當時幫襯完覺得無乜特別亦無刻意記下來，近日又見有食店話拿到米芝蓮後遭業主加租要結業(當然唔係講呢間)，便又諗起唔知米芝蓮是用什麼來做評審的，因為真係有幾多間食過之後覺得很普通什或是差的都可以拿到星星，係佢地唔識食還是食過的地方或次數太少嗎?就好似北角這間雞蛋仔，唔係話佢唔好食，但真的特別嗎?做得比人好嗎?  
這裡的雞蛋仔都算內軟外脆，但其實只是賣得夠快爐頭能保持到溫度夠熱要脆有何難度?你有食過剛做好稍放涼後的雞蛋仔會不脆的嗎?或許有，但很少吧，或者這店的優點就只是粉漿落得夠多入面唔會空心吧。  
做雞蛋仔來來去去都是差唔多的粉漿香精，材料得嗰幾樣，可變性極有限。溫度時間控制更是無難度，埋去拍段片，計計時間，試得幾次自己爐具的最識合爐溫便也能找出來。剩下的相信只是未做前的粉漿溫度，反正自己約略訂一個便成。試想想一間店可以開好粉漿後找幾個工人回來大量製造的食品有得幾難做。