中環 - 沾仔記

沾仔記都算是一間有氣的雲吞麵店，近年來都開了頗多分店，這次試試中環落樓下這間。  
雲吞有三粒大大的雲吞，都有幾多蝦肉，麵都可以唔算好出色彈牙，算是保持水準。話口未完，咬開其中一粒雲吞，入面有大半竟然是生的，蝦肉還呈透明狀，既然蝦肉都唔熟唔駛旨意入面的豬肉會熟。極失敗，極失望。  
另外點的一碟菜心，落單時要求烚淋點，結果落單後唔駛一分鐘就送到面前，擺到明是預先一碟碟整好晒，邊個叫就落點蠔油落去，所以碟菜只有微暖，及一樣咁硬無淋點。碟菜雖然是正價但估佢唔到咁細碟，且蠔油一樣咁少。


整體除了失望就是失望，還有些少擔心會肚疴。