先看看第一次，店家燒了頗多燒鵝在店內放涼，單看樣子相當吸引。點了半隻燒鵝，肉質很嫩滑多汁，肉亦醃得有味道，明顯比中環的一樂好食很多，若要彈的應是醃肉味道仍可再好一點。一起點的齋瀨亦可以，湯底都算可以。
同場加影燒肉飯，燒肉又是做得相當好，用的肉雖然唔係好的腩肉，做出來的燒肉卻很淋滑好味唔"鞋口"，只是皮比較厚及只有一點點脆，唯已比大部份燒肉做得好。
講完天便講吓地，由於覺得好食所以很快又再去幫襯，點知這次希望大失望卻更大。一開始想點的燒肉及燒排骨沒供應，於是點了燒鵝胸飯，這次的燒鵝燒得比較燶，而肉質是死死實實的，像一般街市燒臘檔死死實實的那些，味道跟上次本應差唔多但因幾乾無肉汁所以便差了，只能算是一般般。
再來叉燒飯，更加失望，又係死死實實的，而且不但唔夠味重乾曾曾，外面上糖亦上得唔夠，如果講唔好食又過份咗一點，或者用只是一般貨色來形容更好。
最後的多寶飯以滷水為主，有兩件雞幾片紅腸，半隻鹹蛋加幾多的鵝翼。紅腸就唔多好食，鼓油雞幾好味不過太少了，鵝翼比想像中淋好易咬，滷水味像唔錯做得幾好。
最後又係那句唔知佢想點，兩次的燒臘明顯是出自不同師父，是原有師父放假嗎?還是第二次的學師仔未滿師?
沒有留言:
張貼留言