越南金枕頭榴槤

去街市賣榴槤，檔主話今年從泰國來的品質唔係咁好，好多開了後入面都爛，介紹試試來自越南的金枕頭，佢話第一年試賣感覺幾好食，包開包食，見$15一磅，價錢同泰國的差唔多，咪又買來試吓。買了一個不太大的"馬騮頭"80幾蚊，榴槤的重量似乎比泰國的輕身。  
檔主介開後拿回家先放在一邊，打算食時才打開，這種榴槤的氣味很濃，不知是否較熟的關係比泰國的略要勁的一點，唔駛一陣成房都係榴槤味。

打開後肉色較深黃，可能較熟所以肉較爛身似很熟的感覺，看落去幾似泰國大丁榴槤的肉，肉算厚但大核(不知有否細核的)，比泰國金枕頭香但略無咁甜，與其說它是金枕頭不如說是另外一個品種的榴槤，肉跟一般榴槤一樣咁多水份，而由於個殼較乾身所以輕頗多計起上來又平返點，整體沒泰國金枕頭咁啖啖肉不過較香，都幾好食。