2014年1月24日 星期五

西貢 - 世興海鮮酒家

在西貢食海鮮,個人經驗是對食物要求不要太高,真的,你樓下間酒樓隨時更平更好食,來這裡食海鮮抱著當去鄉村地方食吓當地風味餐會較好。之前都試過幾間較有名氣的食店,雖有個別菜式是做得相當好,但整體就算不失望也很難算是有驚喜,這次經過世興見老闆娘說不加一且又未幫襯過便坐低試試。

最平的二人套餐其中一道菜是龍蝦伊麵,一般對這道用細隻龍蝦做的菜無大期望,做得失敗的菜館可謂不計其數,所以選了另一較貴一點的套餐,其它餸菜一樣只是龍蝦伊麵改了做炒蟹,事後見到旁邊人點的伊麵,這個決定絕對英明,不是說伊麵很差(都無食過),只是炒蟹做得幾好。

先來的白灼蝦好細碟,由於是兩人份都算可以,蝦是過熟了一點點,不過今時今日過熟好過生。豉油味道幾遜色。炒菜亦不過不失啦,味道可以只是明顯熟過頭。  photo SaiHingSeafoodRestaurant-01.jpg  photo SaiHingSeafoodRestaurant-02.jpg 
鮑魚仔真係幾細隻,無果皮感覺差了點,不過鮑魚沒泥味及腥味都算可以,豉油又出事太淡了。  photo SaiHingSeafoodRestaurant-03.jpg 
黃腳蒸得幾好鮮味亦夠,好食,係細條了點。薑蔥炒蟹用了一隻中蟹,蟹本身很鮮味,沒先炸過直接炒所以更鮮,薑蔥不會把蟹味蓋過炒得很好味。  photo SaiHingSeafoodRestaurant-04.jpg  photo SaiHingSeafoodRestaurant-05.jpg 
最後的扇貝就幾細隻,味道可以但又是豉油不夠鮮味。  photo SaiHingSeafoodRestaurant-06.jpg 
最後送的生果。  photo SaiHingSeafoodRestaurant-07.jpg 
套餐價錢比區內兩間最出名的食店平少少,整體食物水平差唔多,當然要散叫高檔海鮮這裡是相對的少很多,招呼及景觀位置亦是相對的差。一家大細平平地食下都唔錯,不過帶客食飯還是轉個角去出名那間較好,是那一間就自己估吓啦,兩間出名食肆一間散叫貴價菜不過不失,另一間就頗難食。

2014年1月20日 星期一

九龍城 - 金寶

其寶它的越南菜同泰國菜都是同一間同一個餐牌,反正入面是打通的,只是人少時會關了其中一間。  photo Cambo-01.jpg 
沒叫它的生蝦及蝦丸,一來唔想食生野二來價錢真的貴。先點了一個香茅豬扒檬,估唔到豬扒又是一點香茅香都沒有,撈檬那個醋頗甜,撈了後整體只算一般般唔算好食。  photo Cambo-02.jpg 
豬頸肉本身燒得唔錯,只是跟的泰式酸甜醬真的很失色,味道不好,為何不用辣及有青檸的那種?頗失望。  photo Cambo-03.jpg 
之後的咖哩炒蟹是完完全全的失敗,不是味道差,而是咖哩汁直接淘了咖哩薯仔的汁來做,結果整碟蟹全沒蟹味,只有濃濃的中式咖喱炆薯仔味,要食這個叫碟咖哩雞飯好過,極失望。蒜蓉包就正常幾脆。  photo Cambo-04.jpg 
整體感覺是貴得來相當失望。

2014年1月17日 星期五

旺角 - 好旺角粥麵專家

幾次經過佢門口,見佢話麵是自家製造,點都要試試 。 photo GoodHopeNoodle-01.jpg 
叫了個雲吞麵,樣子沒什麼特別,麵煮得不錯剛剛好,只是麵質唔係話好特別,不是很彈牙那種,湯底亦是不過不失,雲吞亦唔覺好特別,當然價錢亦不是貴很多。這裡用的碗比較大所以麵沒有被托起還是浸在湯中,一煮好服務員拿過來便要馬上食,同朋友講多兩句就淋晒唔好食啦。  photo GoodHopeNoodle-02.jpg

2014年1月16日 星期四

光輝圍 - 金來越南粉

想起來都有十多年沒有幫襯過這小店,記得當年它在這裡開店的時候(感覺沒有廿年,是否在其它地方搬來這裡?)不時會去這裡食它的越南粉,因為那個時候它用很多牛骨來做湯底,非常好味,差不多是在香港能吃到最好的牛骨湯底之一。不過今時今日牛肉不知加價加了多少倍,這小店一碗粉卻只加了幾蚊,而且碗粉還大碗了不少,沒可能放那麼多牛骨來做湯,現時只能說湯底還幾好啦。  photo KamLoiVietnameseNoodle-01.jpg  photo KamLoiVietnameseNoodle-02.jpg 
想食越南粉這裡仍是不錯的選擇,起碼不是純味精湯,只是不要午飯時候去唔係有排等。還望日後牛肉價格回落能做回往昔的湯底。

2014年1月15日 星期三

旺角 - 料理男 Master Chef

都幾少去女人街,唔覺唔覺有很多食店都和前不同了,真係生意難做。想食鐵板燒又見好係無乜人氣,最後(都叫)平平地選了這間拉麵店。選擇算一般的多,只是服務態度唔多好,見錯單追單等服務員都相當黑面,幾枱客想拿包糖追幾次始終都無最後全部客人都放棄情願唔落。 點的櫻花蝦海鮮湯麵,櫻花蝦是蝦仔來當然唔係上面那些中蝦,應是用來做湯底的,只是整體同張相都差好遠。蝦就太熟麻麻地,日式叉燒同麵就不過不失,湯底算幾好。  photo MasterChef-01.jpg 
吉列豬扒由於較薄,比較似中式吉豬,豬肉有點雪味,較乾且味道很一般,若有醬汁或會好點。  photo MasterChef-02.jpg 
另外朋友點的叉燒拉麵就較差,湯底唔太好感覺幾味精,不過流心蛋做得幾好,之前講過原隻放在湯中才是最好的。  photo MasterChef-03.jpg

2014年1月13日 星期一

深水埗 - 香港公和荳品廠

這間店非常出名都不用多講。熱豆花非常滑(凍的無咁滑),不過之前也講過個人認為豆味不夠所以不是最愛,最愛的仍然是(以前的)煎釀豆腐,煎完後仍很滑且散出淡淡豆味,配上店內的豆版醬更是精彩,只是上面釀的饀越來越薄越來越少,還有為何這次一碟水浸著碟豆腐且又未煎得夠,煎得頗差,扣分扣分再扣分。  photo HKKungWoBeanCurdFactory-01.jpg  photo HKKungWoBeanCurdFactory-02.jpg 
留意後行的坐位沒豆版醬提供,只有泰式甜酸醬。煎釀豆卜就冇特別,豆卜沒可能會滑所以去其它地方食都唔太大分別。

2014年1月8日 星期三

上環 - 蓮香居

老實講,自己對這些老式點心沒有太大的感覺亦沒有特別的偏愛,以今時今日的水準來講很多點心真係幾麻麻,唯獨是准山雞扎就幾有好感,准山那種感覺並不是腐皮可以取代。  photo LinHeungKui-01.jpg  photo LinHeungKui-02.jpg  photo LinHeungKui-03.jpg  photo LinHeungKui-04.jpg  photo LinHeungKui-05.jpg

燒味湯米雖都幾貴但就好大碗,味道不過不失,主要湯底較失色。  photo LinHeungKui-06.jpg  photo LinHeungKui-07.jpg 
這裡明顯比中環的蓮香樓乾淨得多,試過和愛清潔的人去過蓮香樓食得不太開心,枱面都是油脂黐黐"立立"的,更不要談其它東西,去過一次已不想再去,這裡便沒有這個問題,地下也頗乾淨。

去得這類舊茶樓一定要每人一個焗盅,茶的質數比其它酒樓好,所以不會第二盅(第一盅洗茶不喝)茶很濃而其後的茶很淡。用這些焗盅倒茶一定要夠信心夠快,唔係一枱都係茶。兩杯水飲完又要加水,伙記都好唔得閒唯呀伯態度幾好加了很多次水抺了幾次枱(因一枱都係茶)都無黑面,低讚。  photo LinHeungKui-08.jpg 
噢!唔幾得叫鴨腳扎。  photo LinHeungKui-09.jpg

2014年1月7日 星期二

旺角 - 日船

在旺角應算是相當出名的章魚小丸子,想當初還是10蚊盒的時候就已幫襯,跟著佢就一次次的加價同搬舖,每次之後的人流都會減少又增加,現時的舖位位置應該沒之前的好,相信很多人都不知道它搬來了去同一條街但彌敦道的另一邊。之前亦幫襯過同名的其它分店,始終跟這旺角店差太多,大陸的更搞笑,不知是否正牌食味可以差不多全不一樣,應是翻版多。  photo JapanBoat-01.jpg 
這裡的章魚丸燒得特別香脆,醬料加得夠晒多,特別是介辣沙律醬及木魚,加在熱辣辣的章魚丸上,冬天食更"正"。 photo JapanBoat-02.jpg

深水埗 - Oliva

這店的午餐好像是有好多個印好的餐牌每日在轉的,坐落時侍應會講當日供應的是那一頁的套餐。先來餐湯麵包,麵包及湯都不特別,不過有一碟黑醋同橄欖油給你點麵包,馬上覺得高檔點,但醋及橄欖油質數只一般。  photo Oliva-02.jpg  photo Oliva-03.jpg 
主菜樣子不過不失,味道算唔錯,不過有個幾奇怪的現象,就是當日食的東西所有味道都頗基本,醬汁沒有複雜的調味,唔好諗往是想讓人客食到食材原鮮味,完全唔係那個方向,食材本身不是特別好的級數。例如蘋果醬汁就真係太似加點鹽後用攪拌機打爛的蘋果汁,雜菜本身就有點似清水白烚,加點牛油同鹽或更好。意粉就煮得幾好,不會覺得爛。  photo Oliva-04.jpg  photo Oliva-05.jpg  photo Oliva-06.jpg 
另一次試了下午茶餐煙肉扁意粉,這個幾好味不過就鹹了點,感覺煙肉唔太多反而火腿較多。  photo Oliva-07.jpg 
香港一般的西餐廳價錢都比價貴,這間坐落在深水埗的餐廳價錢還可以,一個套餐都是幾十蚊貨仔,或者是比同區的茶餐廳貴一點,不過食物味道亦同樣地高一點。去完電腦商場去食個餐都唔錯,平日人氣不多想淨淨地坐下好過去麥當當。  photo Oliva-01.jpg