旺角 - 仕德褔酒店自助午餐

頗久沒去過這裡食自助餐，以前去這裡食下午茶自助餐貪佢平，食完夜晚可以唔駛食慳返餐，但狂加價後都唔算平，個價錢真係平平地食多餐晚飯都重得，唯獨自助午餐反而平了很多只需百鬆點一個人，食的東西都是差不多。

下午有生蠔食，不過同其它酒店一樣有點腥味，較細隻，食的人拿得很快一陳就無晒，不過又唔駛話搶至有得食，補充得不算快但要食到還不算難。估唔到燒排骨幾好食，熱葷不算有什麼好野食但個價實在底所以沒投訴。  
生滾粥本身的粥底可以，但雞肉、牛肉等生肉勻重雪味及肉腥味引至有怪味，為何不落點薑或酒醃醃。  
甜品都是一般貨式，最好食的芝士餅較過去淡味了一點，都是那句，這個價沒投訴。  
這餐基本上算回復了之前應有的水準，除了沙律之外，之前很好味的沙律油撈的菜沙律仍消失了，沒了果汁供應。整體來說便是底食夾大件，午餐...底，咁平第二道很難搵，當搵個地方坐吓都底，但若是下午茶...No Way，咁貴去第二間好過。