尖東 - 日航酒店雅樂吧

這次試試它的假日下午茶自助餐，感覺本身都幾好，上次食自助午餐時鹹到死的問題已沒有了，壽司、天婦羅幾好，日式蒸蛋樣子一般但幾好食，第一次食自助餐有魚生飯，心想都幾好，好可惜都係衰收尾，去到甜品時真係唔知佢搞乜，又是犯了不應犯的低級錯誤，就是用了高筋麵粉來做蛋糕及泡芙等甜品，個泡芙韌到...個馬卡龍韌到....用手都扯唔開，更加唔好話用刀叉切或直接放入口，蛋糕好點起碼加了發粉但好多都變晒麵包咁韌。  
其餘食物都幾好，最後又是咖啡茶時間，這裡用的外國茶包很難飲，無所謂，有汽水任飲自己換做檸檬可樂。這次的食品較偏重日式食品，若食日式放題大大話話平好多，不過若甜品無出事加起上來都唔錯，起碼之前食幾次甜品都沒出事。價錢方面由於沒有佢做緊優惠那張信用咭所以都幾貴，否則就幾底。