尖沙咀 - 李家 Chicken Take Away

見佢間炸雞店排隊排得咁厲害想試試都唔知要等幾耐，而過幾個舖位有佢的外賣店咪買外買試試。要了一份炸雞連氣水，炸雞是放在一個杯仔內，杯仔剛好可以蓋在氣水杯上，側邊有個位插飲管，這種韓式設計確係唔錯，方便單手拿而另一隻手可空出來食，且無論炸雞及氣水看上去都比較多。  
講返份炸雞，只能用難食來形容。雞本身無乜味好淡，但又偏偏炸到"乾爭爭"，就好似家鄉雞的雞粒咁乾。兩種醬汁其中一種是隨街都買得到的泰式甜辣醬，另一種蜜味芥辣算好點起碼有少少特色，加落去算幾好食(但唔係好好食)。  
其實韓式炸雞勁易整都唔明點解搞成咁，只是將外面個乾粉改成用蕃薯粉來炸，下次有機會講講點整。