馬鞍山 - 富臨皇宮

不知是否最新開的一間富臨，只開了幾日趕得切在中秋前開業。其實早茶都係那些東西，相信很多都是中央廚房出品所以唔會期望有驚喜。一如很多酒樓開業時的情況一樣，碗碟一樣係洗得勁唔乾淨，稍稍多人就馬上"冧檔""踢晒腳"，希望能在短時間內改善。服務方面富臨是數一數二的差，早前去過沙田娛樂城的富臨差點反枱，這間已是不過不失算唔錯，只是開業時間唔長初期實有錯漏，要過多幾個星期穩定了才可作準。  
早茶點心不是同區最平，附近的海港肯定比它平。鳳爪排骨飯是自已出去大排檔拿，豉油要自己倒一時重手加多了好鹹不過唔關人事是自己問題，整個飯味道唔錯幾好。  
之後就是等了又等，期間很多人投訴無人開茶，伙記做到無停手但係真係人手唔夠無法，很多酒樓初期都係咁，不過伙記明顯越來越黑面。等了35分鐘至來了碟牛肉，牛肉有點實及唔夠鮮味。  
再等再等潮州粉果都係唔來，超過45分鐘正想取消時佢就來了。估唔得做得幾好味，起碼入面的花生還脆，可能是這店自己做。  
新酒樓真好竹蒸籠很乾淨，最討厭高級版稻香的塑膠蒸籠。