旺角 - 料理男 Master Chef

都幾少去女人街，唔覺唔覺有很多食店都和前不同了，真係生意難做。想食鐵板燒又見好係無乜人氣，最後(都叫)平平地選了這間拉麵店。選擇算一般的多，只是服務態度唔多好，見錯單追單等服務員都相當黑面，幾枱客想拿包糖追幾次始終都無最後全部客人都放棄情願唔落。 點的櫻花蝦海鮮湯麵，櫻花蝦是蝦仔來當然唔係上面那些中蝦，應是用來做湯底的，只是整體同張相都差好遠。蝦就太熟麻麻地，日式叉燒同麵就不過不失，湯底算幾好。  
吉列豬扒由於較薄，比較似中式吉豬，豬肉有點雪味，較乾且味道很一般，若有醬汁或會好點。  
另外朋友點的叉燒拉麵就較差，湯底唔太好感覺幾味精，不過流心蛋做得幾好，之前講過原隻放在湯中才是最好的。