尖沙咀 - Ruby Tuesday

對這間連鎖餐廳一向都無好感，之前去過幾間分店食物都是貴得來無乜水準，這次如果不是約了人可能也不打算去。坐停看看餐牌食物仍然是很貴，當然佢成日都叫你俾錢入會然後會平返點俾你，但對經常四維去食野的人可能很少機會經常幫襯，用原價就是很貴。

估唔到這間位於新港中心的分店食物有點驚喜，部份幾好食，所以唔好成日以為連鎖店的食物就一定間間一樣，很多時仍然要睇個廚師。由於不是我發板所以食物名稱不太清楚。拼盆自己就唔太喜歡佢雞翼那種醬汁，味道可以的，只是唔係"我杯茶"，焗薯皮幾好味。  
沙律幾多海鮮喎，而且熟得來不算太老(若緊緊熟加醬汁後控制不好出水可能反而唔好)，做得幾好，味道都可以，多點醬汁更好。  
墨西哥夾餅做得幾好，饀、本身醬汁及點的醬汁都好味，餅皮有返烘過香口好多。  
原味燒排骨都幾好味，但有點太淋，香港人很多都分來食，一切開散晒，肉入面亦唔多夠味。雞麻麻地啦，加錢換的椰子蝦估唔到幾細隻，如果蝦是和本身一樣那即是側邊個椰子醬汁要$40，真係好貴，蝦好一般，好在個椰子醬汁好好味。最後的焗薯上面那兩個是牛油同好似奶油的東西，好像溝過但唔太肯定，這個焗薯亦焗得好。  
比較奇怪這裡沒有芝士粉的，那一碟仔芝士沬是問侍應向廚房拿的。