油塘 - 和平飯店

價錢是有點貴，不過由於是位處該區的新商場，所以都叫做可以啦，至於服務都幾麻麻，基本都唔太好招呼冇乜人理你。本身對這店的食物有點期望，可惜水準亦只算是不過不失，當然仍有些較好有些較差。  
肴肉同雞絲粉皮幾好食，砂鍋雲吞雞亦正正常常﹐但這幾味餸難度不高吧。  
鱔糊唔知點解搞到咁黑，魚無乜鮮味亦不好食。  
乾燒明蝦本以為醬汁會收得較乾身，點知來到似蒜蓉茄汁蝦，味道不過不失。  
鍋貼感覺未煎得夠，皮亦厚，生煎包同樣有未煎得夠的問題，不夠香口，饀料亦唔算好食。小籠包就很失敗，皮本來很薄但就唔夠韌，點了兩籠但無一隻包能夾得起唔穿的。