嫩雞煨麵

天氣熱到死唔多想食飯，臨時做個速食嫩雞煨麵。先在冰箱拿塊雞胸肉放入微波爐至稍解凍(仍然結冰但用刀可輕易切得入)，切片，加薑絲、少少雞粉及酒醃一醃。  
用要煮三分鐘的幼身乾麵熱水加些少鹽煮二分鐘，過冷河最後沖水時加少少油在水裡防黏又唔油。  
水加些少雞粉及鹽，由於麵已有鹹味所以湯要略淡。煮滾後關至最細火，倒入雞塊浸熟，約兩分鐘，不用滾起。倒入麵條，維持最細火避免雞肉變老，數分鐘後湯微滾食得。用了廿幾分鐘，唔好睇樣以為好清淡，味道唔差得過外面一般食店做的好多。