人參雞糭

臨近端午有無諗過搞搞新意思，自己整返隻人參雞糉。用了兩飯碗糯米、兩枝韓國人參(不要用一般超市買到的因無論幾大支都無乜參味，要去尖沙咀韓國人開的小店買)、一些龍眼肉及蒜。

蒜頭去皮，所有野洗淨，人參中間粗的莖位十字破開，雞肚放入一枝及小部份蒜及龍眼肉，再填開糯米。剩下的糯米撈入剩下的龍眼肉及蒜。用一洗淨之煲湯袋底放糯米，放雞及另一破開人參，再填滿糯米，綁好袋口後煮一個鐘再焗一個鐘，之後再煮返滾後食得。  
煮糉的湯可以飲所以糯米及煲湯袋無上油，拿走煲湯袋時糯米比較黏袋結果樣子唔多靚比較遺憾，另湯可加少少鹽調味。