英國篇 - 西班牙林柿

這種林柿近年都不難在香港找到，只是價錢很貴吧，一級最大尺寸的閒閒地要賣幾十蚊一個，表皮有點瑕疵的也要廿蚊。雖然這次唔係去西班牙，但英國賣的價錢都唔太貴，一級的(圖中整箱的)在Costco(貨場)買都係幾十便士一個，如果較細一兩個碼表皮有少少瑕疵的(圖中只兩個柿的)在印度朋友開的街市舖頭買一磅更可以有5、6 個非常之平，熟了之後也一樣咁紅的。  
這種柿很爽甜，像日本產的富有柿一樣皮亦算嫩可以連皮一起食無苦澀味，只是甜度略差了一點，但一般仍比中國或韓國產的要甜及好味。基本上好唔好食同大細無直接關係，越紅越熟的更甜的機會便越大。要食就襯手好快過造了。