中環 - 吉壽日本料理

記得第一次去這店是吃午市套餐，食物是可以但就覺得幾貴，見到晚上有放題似乎幾底，過了一排都唔記得咗，這次經過中環終於有機會試試。放題可選的食物非常之多，無論刺身壽司、串燒鍋物，基本上很多大路野都包括在內，加加埋埋不下百款，很多吸引的食物也有可以一次食過夠，其實都唔可以話一次，一次應該食唔到咁多。

食物方面以放題來講真的幾好，與一般日式食店散點的分別不太大，當然賣相不同，亦不能同做得較好的日式食店比。食材質數當然不會是最好的，只是這個價錢有這質數已是相當好，唯還是希望壽司飯用好一點的米，雖然做唔出只食上面的魚生唔食底下的飯，但做得出的還大有人在，始終浪費食物唔多好。  
落單後等的時間算合理，當日沒出現過點了又沒來的東西，由於坐得很迫及枱很細所以不要一次叫太多東西，服務態勢在日式放題來說算可以。去這裡食放題前記得先打印優惠卷，慳得一蚊得一蚊嗎。