元朗 - 深仔記

這是自己最喜歡去吃雲吞麵的其中一間店鋪，麵條及雲吞雖唔錯，麵雖未至於最好但都幾彈牙唔太重鹼水味，亦煮得好放底時麵條緊緊唔熟，但這都不是去吃的原因，原因在於雲吞湯底。記住麵條只得少於一分鐘黃金時間去食。自己的畸形食法是待應一放底後先飲啖湯讓麵稍吸一吓湯，用筷子成個麵夾起用口吹幾下吹散熱氣後才放回湯裡狼吞虎嚥。好的麵湯除了味道外溫度掌握亦十分重要，微燙不太熱既保留鮮味亦可稍延遲把麵條浸淋的時間，同時亦決定了你一口可喝下多少湯汁感受到何種味道。  
這裡的大地魚湯頗濃及鮮甜，大地魚味不會太搶。唯遺憾是湯的味道有時幾漂忽，唔係次次都咁鮮甜，有時會幾淡味吓，較保險是平日較少人幫襯時才好去，這亦只是較保險而非保證的方法，但起碼麵一煮好就可馬上放到你面前。