灣仔 - 新仙清湯腩

來這裡食野純粹衝著佢門口寫住連續4年獲米芝蓮指南推介，由於無睇過本指南唔知佢寫乜，所以點了碗招牌清湯牛腩河同熱檸茶。先來的熱檸茶要求佢地沖濃點，所以和正常是有點分別，飲落茶味一般和一般茶餐廳無乜分別。  
主角清湯牛腩河出場，個碗幾大但睇落無乜野野咁，原因是得好少河粉，好多野浸咗落湯入面，牛腩實際上無照片睇到咁少。河粉都幾滑，湯都幾好飲，牛腩無想像中咁好食，淋得來都仍有些咬口但不是很鬆化那種，味道隨牛肉味之外都幾清淡吓，蘿蔔就是白烚蘿蔔，整體唔覺得好特別，未至於係最好食那類。做得最好的牛腩應是肉質纖維部份淋得個有些咬口且有很多肉汁，而纖維中間的筋膜脂肪有點化開，當然要做到咁談何容易，特別是多肉汁這點十間牛腩店差唔多十間都死，因為要用香港或大陸的新鮮牛腩，進口或雪藏牛肉都很難做得出，功夫亦絕對唔野少，成百蚊斤牛腩煮完縮剩一半都無，到時收你二百蚊碗又有幾多人會幫襯。  
唔知係咪呢碗特別少河粉，食完都重覺得幾肚餓。