尖沙咀 - 喜來登 The Cafe 下午茶自助餐

在這裡食下午茶自助餐都唔算難搵位，加裡信用咭優惠都唔算好貴，比尖東那邊的酒店平很多，行入去打個圈好似都幾多野食咪又試試。

人有我有的魚生都幾好，食的熱葷唔係乜野貴價貨，味道只是中規中矩食了一碟已無太大意欲食多一碟。中西兩款湯算幾好，特別是磨菇湯幾濃味好飲，只是麵粉落得多太了點。  
朱古力唔太好食唔係預期中的酒店水準。甜品款式亦算係咁，都是現時酒店自助餐的一般貨式。其實真係間間酒店都係咁相同貨式同水準，有時真係懷疑部份酒店所用的糕點是相同大工場的出品，在外國食店使用大工場做的解凍蛋糕不是什麼祕密事，當然如果在香港就可省去急凍的步驟。
用的雪糕是Haagen Daz。最'運吉'的是當日中後期竟然出現雪糕解唔設凍大部份停止供應，而初期就出現三文魚解唔設凍停止供應的情況。

由於唔算好貴，論價算水準其實合格有餘，話晒尖沙咀食野都唔平，這裡服務都可以，只是附近選擇亦多，例如行過少少的假日酒店就幾接近，食物沒這裡好味但服務就稍勝。