位元堂 - 士多啤梨味龜苓膏

見幾款位元堂的杯裝水果味龜苓膏在黃色超市清貨，價錢很平便買來試試，話晒都係大牌子，結果中晒招。  
先講講味道，其實水果味幾淡，除了那點點的水果味外食落口和一般龜芩膏差唔多。咁點解話中晒招?睇睇成份表馬上出事。龜苓膏主要成份之一是土茯苓，但成份表上寫的是茯苓，可從英文名稱及位元堂網頁証實絕對是茯苓沒寫錯。還記得一年前海天堂才在同一情況下出事鬧得滿城氣雨。土茯苓及茯苓是兩種不同的中藥，土茯苓是百合科植物，而茯苓是真菌類，藥用價值完全不同。  
海天堂事件還言猶在耳，估唔到同一事件短期內再次出現，特別是出現在一間如位元堂咁知名標榜中醫中藥的企業，極之令人失望。