長洲 - 海龍王海鮮大排檔

在長洲食海鮮的舖頭都幾多，這次試試碼頭附近這一間。這裡的海鮮其實都不平，只是坐在海邊確實可以見到日落美景，景觀相當好，不過大熱天時就有點太熱。

味道整體其實麻麻地，稍為特別可能就係有用真的豆豉去做菜，另外長洲炒飯(好似係咁叫，由於唔係我發牌所以唔太肯定名稱)比預期中好食，中間有些少提子海鮮咁，由於裝了一碗才記得拍照所以看上去右上角少了點，實際是全碟滿的。用猛火炸的豆腐都可以，若多一點椒鹽會更好。  
酥炸生蠔就做得唔好，主要是蠔太細隻而炸粉很厚，炸得亦過了點火，且沒有特別醬汁點感覺始終差點。其餘蒸的象拔蚌、扇貝及鮑魚仔都比想像中細隻，蒸的火喉算可以，只是調味又是差了點，沒用好的豉油提不了鮮味。